Ырчы Асел Кадырбекова туулган күнүндө кайрымдуулук жасады
Ырчы Асел Кадырбекова 19-мартта 30 жашка чыкты. “Юбилейим башка туулган күндөргө салыштырмалуу өзгөчө өттү” деген ырчы туулган күнүндө карылар үйүнө барып, кабар алган видеосун социалдык тармактагы баракчасына жүктөдү.
“Кудайга шүгүр, 30 жашымды тостум. Элиме чоң ыраазычылыгымды билдирем. Сиздердин мен үчүн кылган дубаңыздар эки бутум менен басып, жашашыма мүмкүнчүлүк берди. Бул баштаган жаңы жашоомдун биринчи тепкичи болсун”, - деп жазып, анын бул демилгесин колдогон апасына жана өкүл апасы, ырчы Неляга ыраазычылыгын билдирген.
