"Шамбала" тасмасы Бруклин кинофестивалында "Мыкты оператор" наамын жеңди
Артыкпай Сүйүндүков режиссёрлук кылган "Шамбала" тасмасы Бруклин кинофестивалында "Мыкты оператор" наамын алды.
Чыңгыз Айтматовдун «Ак кеме» чыгармасынын негизинде тартылган «Шамбала» көркөм тасмасы 2020-жылы жарыкка чыккан. Тасмага учурдагы "Кыргызфильм" киностудиясынын жетекчиси Акжол Бекболотов жана Кыргыз Республикасына эмгек сиңирген ишмер Мурат Алиев операторлук кылган.
