Америкалык ырчы, бийчи, The Pussycat Dolls тобунун вокалисти катары таанымал Николь Шерзингердин колун жигити Том Эванс сурады. Нике шакеги эртең, 29-июнда 45 жашка толо турган ырчы айымга белек да болуп калды. Кубанычтуу кабарын атактуу кечээ, 27-июнда соцтармактагы баракчасына жарыялап, ал билдирүүсүн "Мен "макул" дедим" деген жазуу менен коштоду. Николь Шерзингер регбист Том Эванс менен 2019-жылы таанышкан. Аны менен 2020-жылдан тартып кыз-жигиттик мамиледе. Учурда жигити 38 жашта. Ырчы айым Формула-1 классындагы дүйнө чемпиону Льюис Хэмилтон менен болгон мамилесине 2015-жылы чекит койгон. Анын себебин ал "биз сегиз жылдан бери чогуубуз жана бул аралыкта андан колумдун сурашын күтө берип чарчадым" деп түшүндүргөн. 2016-2019-жылдары болгариялык теннисчи Григор Димитров менен кыз-жигиттик мамиледе болгону маалым. [gallery columns="1" link="file" size="large" jnewsslider="true" ids="187488,187489"]