Кыргыз Эл артисти Геннадий Базаров 80 жашында көз жумду
Кыргыз Эл артисти, режиссёр Геннадий Базаров көз жумду. Маалыматты СЕРЕП МЕДИА маалымат агенттигине Маданият министрлигинен тастыкташты.
Геннадий Базаров 1942-жылы 14-майда Нарын облусунун Ат-Башы районунда туулган. Москвадагы ВГИК (Бүткүл союздук мамлекеттик кинематография институтунун) режиссёрлук факультетин аяктаган. Ал «Саманчынын жолу», «Көчө», «Карагыз», «Аномалия», «Нонсенс» жана башка тасмаларды тарткан.
Ал өткөн жылы 14-майда жакын санаалаштары, кесиптештеринин курчоосунда 80 жаш юбилейин белгилеген.
