Гүлнур Сатылганова неберелүү болду
Кыргыз Эл артисти Гүлнур Сатылганова неберелүү болду. Тагыраагы ырчынын уулу Арнастын келинчеги көз жарды. Ырчы кубанычтуу кабарын социалдык тармактагы баракчасы аркылуу жарыялады.
“Сүйүнчү, достор, сүйүнчү! Неберелүү болдум. Чоң эне болдум. Кудайымдан кыз небере тилеп алдым, миң мертебе ыраазымын. Мындай кубанычымды сиздер менен бөлүшпөй коё албадым”, - деп жазды ырчы.
