"Comedy Club шоу берүүсү жабылат" деген тамаша болуп чыкты
Comedy Club шоу берүүсү жабылат деген тамаша экенин басылмалар жазып чыгышты.
Маалыматка караганда, 20-сентябрда ТНТ телеканалында берүү көрсөтүлгөн. Соңунда алып баруучулар Гарик Харламов менен Павел Воля көрүүчүлөр менен коштошкон.
"Урматтуу достор, бүгүн биз сиздерге абдан маанилүү жаңылыкты айтабыз. Comedy Club жабылып жатканын тастыктайбыз", - деди сахнадан Гарик Харламов.
"Кош бол, эски Comedy Club, салам Comedy Club'тын жаңы 20-сезону" деп кошумчалады Павел Воля.
Буга чейин «Газпром-Медиа» акыркы берүү 20-сентябрда көрсөтүлө турганын, андан соң шоу жабыларын билдирген. "Comedy Club шоу берүүсү жабылат, буга негизги актёрлордун кетиши себеп болду" деген продюсер Павел Рудченко.
